യൗവ്വനത്തില്‍ വീട് സ്വന്തമാക്കുന്നവരുടെ എണ്ണംവര്‍ധിച്ചതായി പഠന റിപ്പോര്‍ട്ട്

ന്യൂദല്‍ഹി
മുപ്പതാം വയസില്‍ ഒരു വീടിന് ഉടമയാകുക എന്നത് അത്ഭുതമല്ലാതായിരിക്കുന്നു.
പ്രതിമാസം പതിനായിരക്കണക്കിന് രൂപ ശന്പളംവാങ്ങുന്ന യുവതീ യുവാക്കള്‍ വാടക വീടുകളേക്കാള്‍ സ്വന്തം വീട് വാങ്ങുന്നതിന് മുന്‍തൂക്കം നല്‍കുന്നതായി അസോചെമിന്‍റെ ഒരു പഠനം വ്യക്തമാക്കുന്നു.

15-20 വര്‍ഷം മുന്പ് സ്വന്തമായി വീടുള്ളവരുടെ ശരാശരി പ്രായപരിധി 55വയസുമുതല്‍ 58 വയസുവരെയായിരുന്നെങ്കില്‍ ഇപ്പോള്‍ അത് 30 വയസുമുതല്‍ 38 വയസുവരെ ആണെന്ന് പഠന റിപ്പോര്‍ട്ടില്‍ പറയുന്നു.

വാടക നിരക്കിലെ വര്‍ധന, പാട്ട വ്യവസ്ഥകളിലെ സ്ഥിരതയില്ലായ്മ, യുവ പ്രഫഷണലുകളുടെ ഉയര്‍ന്ന വരുമാന നിരക്ക്, വായ്പ ലഭിക്കുന്നതിനുള്ള കൂടുതല്‍ സൗകര്യങ്ങള്‍ തുടങ്ങിയവയാണ് ഇതിനു കാരണമെന്ന് ചൂണ്ടിക്കാണിക്കപ്പെടുന്നു.

ഇരുപതു വര്‍ഷം മുന്പ് ജോലിക്കാരില്‍ പലരും പിറന്ന നാട്ടില്‍തന്നെ സ്ഥിര താമസമാക്കാന്‍ ആഗ്രഹിച്ചിരുന്നതിനാല്‍ മറ്റു സ്ഥലങ്ങളില്‍ ഭൂമി വാങ്ങി വീടുവെക്കുന്ന പ്രവണത കുറവായിരുന്നെന്ന് അസോചെം പ്രസിഡന്‍റ് വേണുഗോപാല്‍ ദൂത് പറഞ്ഞു.
(പി.ടി.ഐ)